PHILIPPINE INFORMATION AGENCY PRESS RELEASE
Thursday, December 16, 2919


 

Manila (December 16, 2010) — Giawhag ni Presidente Benigno C. Aquino III ang mga overseas Filipino workers kon OFWs ug mga organisasyon sa gawas sa nasud pagpadayon sa espiritu sa pagtinabangay o “bayanihan” pinaagi sa pagdonar sa Lingkod sa Kapwa Pilipino Program sa Department of Social Welfare and Development kon DSWD nga naghatag ug hinabang sa mga biktima sa kalamidad.

Niadtong tuig 2009, nakadawat ang DSWD sa kantidad nga $91,000 nga cash donations gikan sa nagkalain-laing overseas Filipino communities ug organisasyon ug misaka kini ngadto sa $23,000 niining tuig 2010.

Ang donasyon gigamit pagpaayad sa mga dapit nga nadaot sa kalamidad ug paghatag ug maayong kaugmaon sa mga biktima sa kalamidad.

Sa samang higayon gipasidunggan ni Presidente Aquino sa Presidential Awards ang 13 ka mga OFWs, pito ka mga organisasyon, tulo ka mga langyaw, ug usa ka langyaw nga grupo sa ilang kalooy, pagtabang, ug paningkamot pagtrabaho aron mapataas ang kahimtang sa mga Filipino dili lamang dinhi sa Pilipinas apan lakip na didto sa langyaw nga mga nasud.

Ang nakadawat sa 2010 Pamana ng Pilipino Awards mao sila Lilac L. Caña (Canada), Angelito David, Fred De Asis, Randy Gener, ug Lilibeth Navarro (United States) .

Ang mga Banaag awardees mao ang Computer Society of Filipinos International (COMSOFIL) sa Kingdom of Saudi Arabia; Congress of Visayan Organizations (COVO) sa USA; Federation of Filipino Communities sa Israel; Dr. Emely Abagat sa South Korea; George Gange ug Sindaw Kinding sa USA; Marilyn Kasimieh sa United Arab Emirates; Sister Lucia Olalia sa South Korea ug Evangeline Ybo sa Jordan.

Ang Lingkod sa Kapwa Pilipino (LINKAPIL) award nahiadto nila Teresita Alarcon (USA), Ruth Martinez (Australia), North Central Virginia Association of Philippine Physicians (USA), Philippine-American Association of Connecticut (USA), ug Philippine-German Community Oberberge e.V.

Samtang ang Kaanib ng Bayan awardees mao ang Caritas Lebanon Migrants Center (Lebanon), Phoebe Lam Bik Che ug Sunny Lam Kai Chor (Hongkong), ug Simha Salpeter (Israel).

Ang 2010 Presidential Awards for Filipino Individuals and Organizations Overseas kon PAFIOO namugna pinaagi sa Executive Order No. 498 nga gilagdaan pa ni kanhi Presidente Corazon C. Aquino isip pag-ila sa mga nabuhat ug gikatabang sa mga Filipino ug mga organisasyon nga atua sa langyaw nga mga nasud nga nakatabang pagpalambo sa mga Filipino communities sa gawas sa nasud. (Philippine Information Agency BIliran)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s